Jinsi Darinday Ka Wazir e ala Se Taluk | Raaztv

لاہور (نیوزڈیسک) وزیراعلیٰ عثمان بزدار کے علاقے تونسہ شریف میں بااثر جنسی درندہ بے لگام ہو گیا۔میڈیا 

رپورٹس میں بتایا گیا ہے کہ ملزم عدنان ظفر نے متعدد بچوں کو زیادتی کا نشانہ بنایا ہے۔ملزم نے بچوں کی نازیبا 

ویڈیو بنا کر انٹرنیٹ پر فروخت بھی کیں۔متاثرہ بچوں کا کہنا ہے کہ ملزم عدنان نے ہماری تصاویر بنائی اورپھر 

ہمیں بلیک میل بھی کیا جب کہ کئی بچوں نے بدنامی کے ڈر سے سکول جانا ہی چھوڑ دیا۔ جب کچھ متاثرہ 

خاندانوں کو تو ملک بدر بھی ہونا پڑا۔ملزم نے خود کوبااثر ظاہر کرنے کے لیے وزیر اعلیٰ پنجاب عثمان بزدار کے 

ساتھ تصاویر بھی بنوا رکھی ہیں۔ جب کہ دوسری جانب ایک ماہ گذر جانے کے باوجود بھی کیالہ کی تین سالہ 

معصوم فریال کو زیادتی کے بعد قتل کرنے والاسفاک ملزم گرفتار نہیں ہو سکا، سول سوسائٹی نے صوبائی 

حکومت سے واقعہ میں ملوث ملزم کی فوری گرفتاری کا مطالبہ کیا ہے۔ یاد رہے کہ معصوم لڑکیوں کے ساتھ 

زیادتی کے واقعات آئے روز پیش آتے رہتے ہیں تاہم قانون نافذ کرنے والے ادارے ان واقعات میں کمی 

اور روک تھام کے لیے کچھ بھی نہیں کر پا رہے۔میڈیا رپورٹس کے مطابق زیادتی کیس میں ملوث مجرموں 

میں سے اکثر ایسے مجرم ہوتے ہیں جنھیں مضبوط پشت پناہی حاصل ہوتی ہے جس کی وجہ سے ان کے خلاف 

کاروائی نہیں ہوتی اور وہ قانون کی گرفت سے آزاد ہوتے ہیں۔